نفى مرتضى منصور رئيس مجلس إدارة نادي الزمالك، الدخول في مفاوضات مع نادي إنبي من أجل الحصول على خدمات أكرم توفيق، المنتقل مؤخرًا لصفوف الأهلي.
وقال منصور، خلال المؤتمر الصحفي المنعقد بمقر النادي بميت عقبة: “أكرم توفيق كان بيتسول من أجل الإنتقال للأهلي، وتصريحات اللاعب بوجود مفاوضات من الزمالك عارية تمامًا من الصحة”.
وأضاف “مش من حقك يا أكرم أنك تقول أن الزمالك كان بيتفاوض معاك، لا رسمي ولا ودي.. كفاية كذب”.
وتابع “من حقك تقول أنك تبوس الأيادي علشان تروح النادي الأهلي، لكن مفيش أي مفاوضات تمت بينا وبين إنبي بشأن أكرم توفيق”.
“نفترض أنك قعدت مع أخوك (أحمد توفيق لاعب وسط الزمالك) في الغيط وعرض عليك تيجي الزمالك، ده لا يعني أن الزمالك اللي بيفاوضك.. انا مبجبش لاعب “بيعض اللاعيبة”.. بطل كدب”. وأتم رئيس الزمالك تصريحاته، ” كفاية بقا انك تقارن بينك وبين الزمالك، وبتقول هناخد السوبر.. انت بتتكلم كأنك متعب أوحسام غالي، الكبار مقالوش الكلام ده، أنت لسة في حضانة!”.